Pawos 39

Krama tedun sangkaning nyelosin kaunggahang ring bacakan banjar adat risampun mawiwaha kapurusa. Kamargiang nyabran sasih kasanga (Nyepi) saha majalaran antuk dedauhan utawi paruman banjar adat;

Ngawit patedunan puniki, bacakan sane kacelosin kapunceh. Krama Desa Adat sane kangkat nyelosin inggih punika, anaking krama kapurusa sane alaki rabi pinih ajeng;

Krama anyar anaking krama sane sampun makrama adat ring dura desa yening pacang mawali makrama adat ring Desa Adat Tamanbali, katedunang risampune negepin gaguat ring sor:

ha.Nyukserahang swalapatra lepas maadat ring desa adat pecak;

1. Naur panuku pipil (Penanjung batu) manut pararem banjar adat;
2. Rauh ring pasangkepan nyantenang raga;

ra.Ngaturang pajati tegep ring pura kahyangan tiga desa adat.

Tingkahing sane kapatutang sampun dados ngayahang desa:

ha.Sampun alaki rabi ngantos mayusa 65 (Nem dasa lima) warsa;

na.Angga kakuwuban krama sane sampun antes ngamarginin ayah. Antes tan antes katureksain olih saseleh krama;

ca.Anak-anaking krama utawi angga kakuwuban sane dados ngayahang kariinin antuk pasadok krama ring jeroning paruman utawi sangkepan.