Pawos 38

Sane kabawos krama desa adat inggih punika sang jenek mapaumahan tur karob ring wewidangan Desa Adat Tamanbali, sane magama Hindu tur nyungkemin kahyangan Tiga miwah Kahyangan Desa;

Krama Desa Adat Tamanbali inggih punika jana sane mipil utawi kasurat ring silih tunggil bacakan Banjar Adat, Desa Adat Tamanbali;

Manut tategenan lan kawentenan pakula Krama Desa Adat, krama Desa Adat Tamanbali kabinayang manados:

1. Krama Ngarep Jangkep inggih punika krama sane kantun tegep lanang istri pakurenannia tur matetegenan tegep;

naKrama Bala Angkep inggih punika kula Krama Desa Adat sane tanpa karang sakewanten sampun mawiwaha, kabawos krama banjar patus;

caKrama Balu Angkep inggih punika krama balu luh sane kajangkepin olih pianak muanin nyane, utawi balu muani sane kajangkepin olih pianak luh nyane. Krama puniki matetegenan tegep;

raKrama Arirang inggih punika krama rauhing angga kakuwuban nyane pateh jenis kelamin. Krama puniki lepas tetegenan;

kaKrama Tapukan inggih punika anaking krama sane durung antes ngamarginin ayah desa nyelosin makrama riantuk katinggal guru rupakan nyane. Krama puniki lepas sahananin tategenan;

daKrama Ngampel inggih punika krama sane ngentosin ayah lan pamedalan antuk jinah. Krama kangkat ngampel prade sajangkep angga kulaKrama Desa Adat kakuwub malinggih ring dura kabupaten utawi selat segara tur ring karang paumahan nyane kantun wenten sane jenek makrama;

taKrama Nyada inggih punika krama sane sampun mayusa 65 warsa tur sampun maduwe angga kakuwuban sane antes ngamarginin ayah desa;

saKrama camput inggih punika krama sane nenten wenten ngalanturang pakraman nyane. Krama camput puniki manados tanggung jawab desa adat rauhing pagelah-gelahan nyane. Jana sane pinaka krama salanturnyane tegteg kalanturang, kapekraman nyane sajaba camput, magingsir, utawi kanorayang.

wa.Krama Truna Truni sahanan warga Desa Adat Tamanbali mayusa manut pararem sedurung mawiwaha mawit sakeng soang-soang krama Banjar bala Angkep sane madue, indik swadarma lan swadikara manut Awig-awig Krama Truna Truni