Pengetahuan Eksplisit
Naskah Asli
- Risampun ngalaksanayang pitra yadnya lan utang piutang sang ngawarisang sampun buntas katawur;
- Warisan sangkaning arta brana pagunakayan kaepah pada;
- Karang ayahan desa kaemong antuk ahli waris kang sinanggeh pinih marep.
Sinalih tunggil ahli waris ring ajeng, tan polih pahpahan warisan prade ipun:
- Alpaka guru rupaka, utawi guru swadiyaya (nilar Agama Hindu);
- Marupa sentana rajeg, sane sampun kesah mawiwaha malih;
- Marupa sentana lanang, sane mawiwaha nyeburin pakurenan lian.
Sentana ahli waris sane nilar Agama Hindu, kangkat polih pahpahan waris pagunakayan, kemaon ten pisan kangkat ngambil karang ayahan desa.
Yening wenten sentana luh ngalaksanayang lokikasanggraha (salah polah) mawastu madruwe pianak kawastanin sentana alpaka guru.
Yening pianak ipun kaangkenin ring panglingsirnya, kengin pianak punika ngawaris pagunakayan reramane luh kemawon.
Sane kangkat ngawaris pagunakayan:
- Balu luh;
- Balu muani sane mawit saking mawiwaha nyeburin;
- Sang mulih deha, seantukan ring pawiwahane dumun sampun kaucap ninggal kedaton.
Sakantune maurip ipenglingsir kangkat ngawehin jiwadana, tatadan, utawi bekel maka cihna paweweh ring pianake sane mawiwaha.
Internalization