Pawos 97

Warisan inggih punika tetamian arta brana, saha ayah-ayahan ngupadi sukerta sekala niskala saking kaluhurannya, marep ring turunannya.

Sane kaucap warisan luwire:

1. Duwe tengah, karang paumahan, pamerajan;
2. Pagunakayan, tatadan, jiwadana, lan utang piutang.

Wawu kengin kabawos waris, inggih punika:

1. Wenten sang mapiturun warisan;
2. Wenten turunannya, ahli waris;
3. Wenten arta brana miwah tetegenan utawi ayah-ayahan marupa warisan.

Sane kabawos ahli waris, inggih punika:

1. Preti sentana lanang;
2. Sentana rajeg;
3. Sentana peperasan lanang utawi wadon.

Prade tan wenten sekadi ring ajeng, kang sinanggeh ahli waris:

1. Turun purusa pernah ngunggahang, sekadi rerama dia, rerama dimisan, rerama dimindon;
2. Turun purusa pernah kesamping, mekadi ponakan, misan, mindon;
3. Prade camput, tan wenten ngelingin, upakarania kamargiang olih krama, tur druwennyane kaambil banjar.