Pengetahuan Eksplisit
Naskah Asli
Désa Adat Tamanbali wenang nyurat Awig-Awig Désa Adat Tamanbali, Kecamatan Bangli, Kabupatén Bangli, Provinsi Bali.
Awig-Awig Désa Adat Tamanbali kakaryanin olih Sabha Désa Adat, Kerta Désa Adat, Prajuru Désa Adat, Prajuru Banjar Adat, Prajuru Patus sawewidangan Désa Adat Tamanbali, kasarengin antuk utusan sané kasinanggeh patut.
Awig-Awig sané kasurat patut nginutin uger-uger panyuratan Awig-Awig sané kaembasang Pasamuhan Agung II Majelis Désa Adat Provinsi Bali Tahun 2022 tur daging nyané nénten matinjakan sareng ilikita-ilikita Negara Republik Indonesia.
Awig-Awig sané sampun puput kasurat, patut kasobyahang jeroning Paruman Agung Désa Adat Tamanbali.
Awig-Awig sané kasobyahang patut ngamolihang cacumpon mlarapan saseleh Majelis Désa Adat (MDA) Provinsi Bali kalih kakukuhang jeroning Paruman Agung Désa Adat Tamanbali.
Awig-Awig sané sampun kasurat tur sampun kakukuhang jeroning Paruman Agung, kawigunaang ngantos sadurung kagentosin mlarapan kaputusan Paruman.
Awig-Awig sané sampun ngamolihang cacumpon MDA Provinsi Bali, miwah kakukuhang sajeroning Paruman Désa Adat Tamanbali patut ka-daftar-ang majeng Dinas Pemajuan Masyarakat Adat Provinsi Bali.
Internalization