Pawos 42

1. Nyukserahang swalapatra pajanten raga nunas wusan makrama;
2. Nyukserahang swalapatra tan ninggal tetegenan ring desa adat sane kamedalang olih bandesa adat;
3. Nyukserahang swalapatra desa adat sane nampenin madesa adat;
4. Matur piuning malarapan pajati ring kahyangan tiga;
5. Nyukserahan swalapatra nenten nunas pah-pahan olih-olihan desa adat.

Krama wusan makrama antuk pinunas ngraga tur molihang wak-wakan, prade mawali malih antes katampenin makrama antuk gaguat nyukserahang swalapatra sakeng bandesa utawi prajuru adat genah makrama;

Krama sane kararyanang prade mawali makrama, antes katampenin yening tegep nginutin gaguat makadi:

1. Nunas pangampura ring jeroning paruman;
2. Nyukserahang swalapatra nenten maparilaksana tiwal;
3. Naur panuku jalaran kararyanang kawewehin antuk naur panuku arta brana padruwen desa adat;
4. Maupasaksi malarapan pajati ring pura kahyangan tiga.