Pengetahuan Eksplisit
Naskah Asli
Sang lampus sangkanin salah pati, ulah pati, pamretekan nyane pateh makadi sang lampus biasa. Paweweh nyane wantah wenten wawantenan pangulap ring genah kalampusan utawi manut kawentenan.
Sang lampus ngadut bobotan kapendem risampun embas bobotan nyane. Ngembasang bobotan kangkat katanganin antuk pabuat medis.
Krama Desa Adat sane lampus sangkaning pinungkan pacang nularin, paridabdab nyane mangda nganutin sang wenang.
Sang lampus sadurung embas utawi wawu embas patut kapendem pramengkin.
Krama Desa Adat sane lampus ring genah tan patut, sang maduwe kapatutan patut maridabdabin genah kalampusan manut pituduh sang wenang sane kadabdabin olih bandesa utawi prajuru desa adat.
Tamiu lampus ring wawidangan Desa Adat Tamanbali patut kasukserahang majeng guru wisesa tur sang maduwe kapatutan patut mapiadung majeng Bandesa lan Prajuru Desa Adat. Prade nenten wenten ngangkenin, upakara sapatut nyane kasanggra Desa Adat Tamanbali.
Tamiu kadadosang ngamargiang upacara Pitra Yadnya ring wawidangan Desa Adat Tamanbali prade wenten nyarengan sakeng Krama Desa Adat Adat Tamanbali.
Internalization