Pengetahuan Eksplisit
Naskah Asli
Krama Desa Adat sang rumaga putus utawi sampun madwijati, pitra yadnyan nyane kamargiang manut dresta, prade piwal patut kabawosin.
Krama Desa Adat sane makarya bangbang pacang nandur kekayon kirang ring adepa agung patut keni pamidanda manut pararem saha pramangkin ngurug bangbang.
Krama Desa Adat sane ngutang luwu, wangken wawalungan, kotoran, tur sane tiosan ring margi agung, got miwah genah sane tan manut, kapidanda manut pararem.
Sahananing sane kausak olih wong edan, sahananing sane kausak inucap patut kategenang manut pabuat olih kapatutan sang wong edan.
Krama Desa Adat utawi tamiu sane marebat ring wawidangan Desa Adat Tamanbali wenang kadanda manut pararem.
Krama Desa Adat utawi tamiu sane ngamuk ring wawidangan Desa Adat Tamanbali wenang kadanda manut pararem.
Krama Desa Adat sane cuntaka yening ngranjing ke pura patut keni pamidanda manut pararem, saha panyapuhan pamrayascita.
Krama Desa Adat utawi tamiu sane masang pangalah dewa, mendem sahanan rarempon sarwa leteh ring pura patut keni pamidanda manut pararem saha ngwentenang panyapuhan.
Tamiu sane madunungan ring wawidangan Desa Adat Tamanbali, sang nampi patut masadok majeng prajuru. Yening tan masadok, napi mapih tamiu punika kasinanggeh dusta, sang nampi tamiu keni pamidanda manut pararem.
Krama Desa Adat Adat Tamanbali sane manggihin sang piwal ring awig-awig, prade tan nyadokang, Krama Desa Adat inucap patut keni pamidanda.
Sahanan pamidanda patut ngangge gaguwat utawi uger-uger manut pararem.
Internalization