Pengetahuan Eksplisit
Naskah Asli
Warga Desa Adat Tamanbali mangda tegteg miara karesikan, kaasrian wewidangan parahyangan lan palemahan, wenten tan wenten titah saking Bandesa utawi prajuru.
Krama, warga, lan tamiu sane wenten ring wewidangan Desa Adat Tamanbali patut stata nyagra kabersihan wewidangan.
Sahananing mis sane metu sakeng raga, wewidangan ngraga patut kadabdabin sabecik-becikne utawi kagenahang ring wadah mis sane sampun kasiaga. Awig-awig Desa Adat Tamanbali.
Sahananing mis patut kadabdabin. Mis plastik mapupul mis plastik, mis don-donan mapupul mis don-donan, blah-blahan mapupul blah-blahan.
Warga Desa Adat Tamanbali mangda mapitetin ngangge plastik.
Suang-suang warung, penggak utawi genah mautsaha patut nyiagaang genah mis manut papilahan.
Sahananing mis tan kapatutang kaentungang ka dura karang utawi tanah duwe, sajaba sampun maduwe genah mis sane sampun kapastika olih desa.
Banyu, pamasuhan, yeh umbah-umbahan, yeh blengbeng utawi sakaluir nyane tan kapatutang ngaromonin ka dura karang utawi tanah duwe.
Sang sapa sira ja tan kapatutang mabacin ring jalinjing, telabah, utawi tukad.
Sang sane ngawigunaan toya jelinjing, telabah, utawi tukad, bilih-bilih angge masiram, mangda tegteg nyagra tata susila.
Mis sane metu sangkaning upakara utawi upacara mangda kapuputang ring wewidangan genah ngamargiang upakara utawi upacara.
Sang sapa sira piwal utawi murug tan nganutin nyagra kabersihan kakeninin danda manut pabuat.
Internalization