Pengetahuan Eksplisit
Naskah Asli
Sapasira ugi pacang ngawit makarya wawangunan suci makadi pura ring wawidangan Desa Adat Tamanbali, patut polih lugraha saking desa adat sane kapastikayang antuk pararem desa adat.
Sapa sira ugi sane ngawigunayang palemahan padruwen negara lan palemahan padruwen desa adat sane wenten ring wawidangan Desa Adat Tamanbali, tan kapatutan makarya wawangunan palinggih permanen, sajawaning sane sampun wenten sadurung awig-awig puniki kamanggehang.
Sang sampun madruwe palinggih permanen ring palemahan druwen negara lan palemahan padruwen desa adat matilar saking genah inucap, sahananin palinggih patut kapralina manut kecap satra agama sadurung matilar saking genah punika.
Sang sapasira sane ngawangun palinggih utawi parahyangan durung polih wak-wakan paruman, patut palinggih utawi parahyangan inucap kapralina manut sastra agama olih sang sane ngawangun.
Internalization